ဥပဒေပုဒ်မ ၂၉ အရ အသေးစားငွေရေးကြေးရေးအဖွဲ့အစည်းသည် ကြီးကြပ်မှု ကော်မတီ၏ ခွင့်ပြုချက်ဖြင့် အသေးစားချေးငွေထုတ်ပေးခြင်း၊ အပ်ငွေလက်ခံခြင်း၊ ငွေလွှဲပြောင်းပေးပို့ခြင်း၊ အာမခံ လုပ်ငန်းလုပ်ကိုင်ခြင်း၊ ပြည်တွင်းပြည်ပမှငွေချေး ယူခြင်းနှင့် အခြားငွေရေး ကြေးရေးလုပ်ငန်းများ ဆောင်ရွက်နိုင်သော်လည်း လောလောဆယ် အောက်ပါလုပ်ငန်း နှစ်မျိုးကိုသာ လုပ်ကိုင်ခွင့်လိုင်စင် ချထားပေး မည်ဖြစ်သည် -

(က) အသေးစားချေးငွေထုတ်ပေးခြင်း၊

(ခ) အပ်ငွေလက်ခံခြင်း ။

အသေးစားငွေရေးကြေးရေးလုပ်ငန်း လုပ်ကိုင်လိုသည့်အဖွဲ့အစည်းများသည် တိုင်းဒေသကြီး သို့မဟုတ် ပြည်နယ်၊ နေပြည်တော်ကောင်စီ တစ်ခုတည်းသာ မဟုတ်ဘဲ တစ်ခုထက်ပို၍ လုပ်ကိုင်လိုပါက အသေးစားငွေရေးကြေးရေးလုပ်ငန်း ကြီးကြပ်မှု ကော်မတီသို့ တိုက်ရိုက် လျှောက်ထားရမည်။ထိုသို့ လျှောက်ထားရာတွင် သက်ဆိုင်ရာ တိုင်းဒေသကြီး သို့မဟုတ် ပြည်နယ်အစိုးရအဖွဲ့နှင့် နေပြည်တော် ကောင်စီ အသေးစားငွေရေးကြေးရေးလုပ်ငန်း ဖွံ့ဖြိုးတိုးတက်ရေးလုပ်ငန်း ကော်မတီများ၏ စိစစ်ခွင့်ပြုချက်များရယူ၍ ပူးတွဲတင်ပြရမည်။ အသေးစားငွေရေး ကြေးရေးအဖွဲ့အစည်းတစ်ခုအတွက် လုပ်ငန်းလုပ်ကိုင်ခွင့်လိုင်စင်တစ်ခုသာ ချထား ပေးမည်ဖြစ်သည်။