(၂) အပ်ငွေလက်ခံသည့် အဖွဲ့အစည်း။  ကျပ်  ၃၀ သန်း။

(မှတ်ချက်။ လက်ရှိဖွဲ့စည်းဆောင်ရွက်လျက်ရှိသော သမဝါယမအသင်း အဖွဲ့များ၏ မတည်ငွေရင်းနှင့်ပတ်သက်၍ အသေးစားငွေရေးကြေးရေးလုပ်ငန်း ကြီးကြပ်မှု ကော်မတီမှ အထူးကိစ္စတစ်ရပ်အနေဖြင့် ဆောင်ရွက် ပေးသွားမည် ဖြစ်သည်။)

(ခ) အတိုးနှုန်း

(၁) အသေးစားချေးငွေအပေါ် အတိုးနှုန်းအား ကျပ် ၁၀၀ တစ်လလျှင် ၂.၅၀ကျပ်၊ တစ်နှစ်လျှင် ၃၀ ကျပ်နှုန်းထက်မများရ။

(၂) အပ်ငွေ /စုဆောင်းငွေအပေါ်အတိုးနှုန်းအား ကျပ် ၁၀၀ တစ်လလျှင် ၁.၂၅ ကျပ်၊ တစ်နှစ်လျှင် ၁၅ ကျပ်နှုန်းထက်မနည်းရ။

(ဂ) ဝန်ဆောင်မှုစရိတ်

(၁) ရုံးခွဲများတည်ထောင်ခြင်း၊ လုပ်ငန်းနေရာရွှေ့ပြောင်းခြင်းနှင့် လုပ်ငန်း ပိတ်ခြင်း တို့အတွက် ဝန်ဆောင်မှုစရိတ် ကျပ် ၅၀၀၀၀၊

(မှတ်ချက်။  မြို့နယ်အတွင်း ရွှေ့ပြောင်းခြင်းနှင့် ဝန်ဆောင်မှုစရိတ် ပေးဆောင်ရန် မလိုဟု ကြီးကြပ်မှုကော်မတီကသတ်မှတ်သော တစ်မြို့နယ်မှ တစ်မြို့နယ်သို့ ရွှေ့ပြောင်းခြင်းများအတွက် ဝန်ဆောင်မှု စရိတ် ပေးဆောင်ရန် မလိုပါ။

(၂) လုပ်ငန်းအမျိုးအစား (အပ်ငွေလက်ခံခြင်း မပြုသည့်အဖွဲ့အစည်း / အပ်ငွေ လက်ခံသည့်အဖွဲ့အစည်း) ပြောင်းလဲလုပ်ကိုင်ခြင်းအတွက် ဝန်ဆောင်မှု စရိတ် ကျပ် ၅၀၀၀၀။

(ဃ) လိုင်စင်ကြေး

(၁) ကနဦးလိုင်စင်ကြေး ။  လုပ်ငန်းလုပ်ကိုင်ခွင့်လိုင်စင်ရရှိသည့်နေ့မှစ၍ ၁၅ ရက် အတွင်း ထည့်ဝင်ပြီး မတည်ငွေ၏ ၀.၁ ရာခိုင်နှုန်းနှင့်ညီမျှသော ငွေပမာဏကို ပေးသွင်းရမည်။

(၂) တိုးမြှင့်ထည့်ဝင်သည့်မတည်ငွေရင်းအပေါ် ပေးဆောင်ရမည့်လိုင်စင်ကြေး။ မိမိ ထည့်ဝင်ပြီး မတည်ငွေရင်းကို တိုးမြှင့်ပါက တိုးမြှင့်သည့်ငွေပမာဏ၏ ၀.၁ ရာခိုင်နှုန်းကို ထပ်မံပေးသွင်းရမည်။

(၃) နှစ်စဉ်လိုင်စင်ကြေး ။    နှစ်စဉ်ဘဏ္ဍာရေးနှစ်၏ ဧပြီလတွင် ထည့်ဝင်ပြီး မတည်ငွေရင်း၏ ၀.၁ ရာခိုင်နှုန်းနှင့် ညီမျှသောငွေပမာဏကို ပေးသွင်းရမည်။